因為麻麻怕被火燒，所以生前已經一早買定棺材山地要土葬。 不過地方就遠左少少，要走到去《深圳大鵬灣華僑墓園》。果度係大小梅沙再過少少既地方。 晨咁早見完麻麻最後一面就全部人搭旅遊巴士過深圳了。 不過我第一時間諗既係，地方咁遠又唔方便，第日咪好少人去拜山囉？！

話就話老人家過身一早就預左，但係始終都係好突然。 心情嚮預左同唔係咁接受到之間... 好矛盾... 不過人都去左，都冇辦法，而家唯一能夠做既就係照顧好在生既人。咁耐以來都未見過爺爺咁傷心，喊到好似小朋友 chok chok 下... 唉～唯有多Ｄ陪佢，同佢講下其他野分散佢Ｄ注意力，等佢唔得閒諗住麻麻啦... 幾廿年既伴無啦啦冇左又真係好難會即時間接受到既，加上大家不嬲都以為會係身體唔係咁好，去醫院次數好多既爺爺去先，點知... …

本來諗住九號風球會好悶冇野做，點知臨食飯麻麻個工人打黎話麻麻猛話個心口乸住乸住痛，要入醫院。去到見到佢坐又唔係訓又唔係好唔自然，想嘔又嘔唔出... 麻麻後生果時挨窮挨苦，所以都好硬鄭。九十幾都仲行得走得中氣夠又生猛。平時又話呢度痛果度唔妥都只係撒嬌等人緊張下佢。但係今次佢肯入醫院，證明都係有Ｄ野。 照過心電圖又冇事，但係一向高血壓既佢突然低到得返 97/65... 醫生都話佢咁老，都要做定心理準備病情會轉壞。同佢抽晒血驗，今晚會有報…